سرسيقا العظمى


 
الرئيسيةاتحاد سرسيقا لكس .و .جبحـثالتسجيلالأعضاءدخول

شاطر | 
 

 قاموس الروشنه متجدد باستمرار بشرط الردود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
love story
..::المراقب العام::..
..::المراقب العام::..
avatar

ذكر
عدد الرسائل : 440
العمر : 26
البلد : ما انتم عارفينه
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 22/03/2008

مُساهمةموضوع: قاموس الروشنه متجدد باستمرار بشرط الردود   17/4/2008, 11:56 am

بسم الله ارحمن الرحي

تحيه طيبة

Mad

Crying or Very sad






جايبلكوا بقى موضوع جاااااااااامد اخر حاجه

قاموس الروشنه الجديد

كل مصطلحات الروشنه اللي طلعت لحد 2008

هنمسك مع بعضينا كده حرف حرف من اول

الالف لحد اليااااء

وانا عاوز كله يمسك معايا مش همسك لوحدى

انا شايف واحد هناك اهو مش ماسك كويس امسك ياض انتا

نبدأ بحرف الالف يلا كلو يربط الاحزمة

حرف الالف

( أ )

استمورننج

يعنى الاصطباحة م الاخر ومن الاسم يعنى بيتقال الصبح لما يكون الواحد عاوز ياكل مثلا او يدخن


اعمل دماغ

نفس المعنى اللى فات بتتقال لما الواحد يكون عاوز يظبط دماغه وبتفرق من واحد للتانى


اديها جاز

بتتقال لو فى خناقة يعنى ولع فى الخناقة وشعللها


اهرب شوية

يعنى اختفى انت دلوقتى


اهبء

يعنى همشى من المكان ده مثال انا ههبء بقى يعنى انا همشى


ايه الحياة

يعنى ايه احوالك وايه النظام وايه اللي تم وهنعمل ايه يعني


اتسحل

يعنى اتهرى ضرب او اتبهدل زى مثلا انا اتسحلت النهاردة فى كذا مشوار يعنى اتبهدلت


ازبهل

يعنى اندهش


اتوبيس راجع بضهره

ودى بتتقال لواحدة وحشة يعنى تشبيه ليها با الاتوبيس اللى راجع بضهره


امبلايز

يعنى الحوار ماتمش لو كنت مكلم حد على حوار معين يعملهولك وقالك امبلايز يعنى ماتمش


ابجنى

يعنى هات فلوس وانا انفذلك طلبك


اهرش

نفس المعنى اللى فات


انزل من على ودانى

يعنى انت رغاى اوى وكلت دماغى وبطل رغي


اوكشن

يعنى موافق


انتخ

يعنى قاعد كده مقضيها ولا ليه هدف فى الحياة


اوجو

بتتقال على البنت اللى بتتأثر بسهولة باى كلام حلو


ادرجى

يعنى شاب اخر صياعة


ارقدلك

يعنى هستناك برة بتتقال لو بتتخانق مع حد وهرب منك او الناس حاشتك ومعرفتش تقفشه فا تقوله هرقدلك


احط عليك

يعنى هستقصدك او ليها كذا معنى بتتقال غالبا لو مضايق من واحد اوى فا تقوله خلى بالك هحط عليك قريب يعنى هتقع قريب او هضربك يعني


انت من الكفار

يعنى انت من الاعداء


استكانيس

يعنى افرح كده واهيص


افتكس

يعنى افكر واخترع

[center]
كده خلص حرف الالف وانشاء الله نكمل بقيت الحروف

بس لما ( ازبهل ) من الردود بتاعتكم واحس انى ( استكانيست) كده

ساعتها هكملكوا الحروف واقدر ( افتكس ) حاجات جديدة

لكن لو حسيت انكو ( من الكفار ) ( هحط عليكم )


_________________



لامبارد سرق توقيعي يا جدعان
ليس كل ما يذاكره المرء يفهمه
تاتى الامتحانات بما لا تحتوى الكتب

مع تحياتى & محمد عبدالغنى راضى &


عدل سابقا من قبل love story في 9/5/2008, 4:54 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
Admin

مدير الموقع
مدير الموقع
avatar

ذكر
عدد الرسائل : 618
العمر : 26
البلد : مصـــ ام الدنيا ـــــر
المخالفات : لا يوجد
انا بشجع:- :
  :
تاريخ التسجيل : 24/06/2007

مُساهمةموضوع: رد: قاموس الروشنه متجدد باستمرار بشرط الردود   17/4/2008, 12:23 pm



انت متأكد ان المصطلحات دى جديدة؟



انت شاريها من


الواد اللي كان واقف عند الموقف؟ صح ؟



انا بايعهاله بــــ75, قرش الصبح


وابقي اتأكد من الحاجة قبل اما تشتريها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdawy-sarseka.teamgoo.net
المتيم

مشرف المنتدى الاسلامى
مشرف المنتدى الاسلامى
avatar

ذكر
عدد الرسائل : 636
العمر : 26
البلد : لسه بدور عليها
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 25/03/2008

مُساهمةموضوع: رد: قاموس الروشنه متجدد باستمرار بشرط الردود   17/4/2008, 12:51 pm

مشكوووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
love story
..::المراقب العام::..
..::المراقب العام::..
avatar

ذكر
عدد الرسائل : 440
العمر : 26
البلد : ما انتم عارفينه
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 22/03/2008

مُساهمةموضوع: رد: قاموس الروشنه متجدد باستمرار بشرط الردود   18/4/2008, 4:30 pm

  


 


ايه يا عم ابراهيم الواد اللى اشتريتها منه سالته قالى انه مش واخدها منك ولا حاجه انت هتهزر بقى


 


وعموما خد حرف الباء اهوو


 


 


يلا نكمل باقي القاموس

معادنا مع حرف البااااااء

(ب)


بيرمى ودنه

يعنى بيتصنت على غيره رامى ودانه معاك عشان يسمعك


بخ

يعنى انتهى خلاص يقولك الحوار بخ خلاص يعنى انتهى


بونتى

يعنى واحد شايف نفسه وفارد عضلاته على الناس وممكن تبقى معناها صاحبي قوي يعني


بيس

يعني قشطه او حلو او كويس


باشكا

يعنى اكشف ورقك ماتخبيش بمعنى تانى خليك صريح


بيظيط

يعنى بيدخل فى امور غيره اى حوار يدخل فيه حتى لو مش فاهمه او ممكن تبقى بيعلق بنت يعني


بيحكها

مثلا لو واحد عاوز يتكلم مع حد تانى ومش عارف فايبدأ يحكها يعنى يمشى من قدامه يعلى صوته قدامه يعمل اى حاجة للفت النظر


بيتسوح

يعنى بيتأثر عليه بسهولة


بيروح

نفس المعنى اللي فات


باترينا

بتتقال لاى حد لابس نضارة الشاب ده باترينا


بيخبط فى الحلل

يعنى دخل فى منطقة محظورة من الكلام او الافعال او بيفضح سرك لحد


برطعة

يعنى ولا همه حاجة ماشى بدون هدف


بيجيب لورا

يعنى بيخاف


بكاش

يعنى بتاع كلام وغالبا البنت بتقولها للولد فى مواقف معينة


بونو

يعنى حلو و جميل


بؤلة

يعنى يخصنى جامد اوى


بهاريز

ليها كذا معنى سعات بتبقى معناها الفلوس او يعني الخلاصه بتاعت الموضوع



وادى كمان حرف الباء كمان خلص الحمد لله

الموضوع (بونو) مش عاوزينه يبقى (بخ) ومش عاوز حد ( يخبط في الحلل) او (يتسوح) Wink




_________________



لامبارد سرق توقيعي يا جدعان
ليس كل ما يذاكره المرء يفهمه
تاتى الامتحانات بما لا تحتوى الكتب

مع تحياتى & محمد عبدالغنى راضى &
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
مروه سعد

مشرفه التصاميم والجرافيكس
مشرفه التصاميم والجرافيكس
avatar

انثى
عدد الرسائل : 161
العمر : 28
البلد : اول شارع وانت داخل على ايدك اليمين
المخالفات : لا يوجد
مزاجى :
علم الدولة :
انا بشجع:- :
  :
تاريخ التسجيل : 19/04/2008

مُساهمةموضوع: رد: قاموس الروشنه متجدد باستمرار بشرط الردود   20/4/2008, 1:16 pm

بسم الله ارحمن الرحي

حلوه جدا جدا بس المصطلحات دى مش بسمعها خالص

_________________



حبيبى قالى باى ....... و قالى هروح و جاى ......... دا انا بخاف اقعد لوحدى مش كان يطلب لى شاى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بيبو الملك
...::المخضرم::...
...::المخضرم::...
avatar

ذكر
عدد الرسائل : 282
العمر : 28
البلد : في اخر الدنيا
المخالفات : لا يوجد
الهواية :
المهنة :
علم الدولة :
  :
تاريخ التسجيل : 03/03/2008

مُساهمةموضوع: رد: قاموس الروشنه متجدد باستمرار بشرط الردود   20/4/2008, 2:14 pm

بجد رائعة يا محمد واحنا مستنين بقيت القاموس

_________________

[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin

مدير الموقع
مدير الموقع
avatar

ذكر
عدد الرسائل : 618
العمر : 26
البلد : مصـــ ام الدنيا ـــــر
المخالفات : لا يوجد
انا بشجع:- :
  :
تاريخ التسجيل : 24/06/2007

مُساهمةموضوع: رد: قاموس الروشنه متجدد باستمرار بشرط الردود   20/4/2008, 3:10 pm

ايه يا عم محمد انت شكلك (باترينا ) اصلا واحسنلك (جيب لورا) علشان ما احسبكش (مع الكفار ) ماشي

انت (بونتى ) ولا اية خليك (باشكا) بس بردة


(بيس)

_________________
ما هوا احساسك وانت سارق حقوق الغير ونسبه لنفسك (تنبيه اخير)....
المنقول يكتب عليه منقول..وعد اى حد هاكتشف...
انو ناقل خاطرة ونسبها لنفسه هفضحو امام الجميع..
لعله يستحى فيما بعد


"لو لم تكن الدنيا حزينه
فلماذا اتينا اليها ونحن نبكى"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdawy-sarseka.teamgoo.net
love story
..::المراقب العام::..
..::المراقب العام::..
avatar

ذكر
عدد الرسائل : 440
العمر : 26
البلد : ما انتم عارفينه
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 22/03/2008

مُساهمةموضوع: رد: قاموس الروشنه متجدد باستمرار بشرط الردود   20/4/2008, 3:44 pm

بسم الله ارحمن الرحي

مش يللا بنا بقى على الحرف التالت اللى هو التاء
هديه لاحلى مروه ولشيكا ولبيبو حبيبى

ويلا بينا على الحرف الجديد

حرف التاء

(ت)

تنشن
يعنى زعلان او متعصب يقولك بس عشان انا متنشن يعنى متعصب


تنح
يعنى وقف يبص على حاجة زى العبيط


تسالى يالوز
بتتقال لما يكون واحد بيعاكس واحدة مش شرط حلوة ولا وحشة معناها ماتيجى نتسلى شوية


تس تس
بتتقال للشاب الممل اوى يقولك الشاب ده تس تس يعنى ممل وخنيق


تعبان مولة
يعنى غشيم جدا مالوش فى حاجة


توت فروت
بتتقال لاى حد شايف نفسه زيادة عن اللزوم


تريلو
بالفتحة على التاء
يعنى تجاهله اعمل مش شايفه يقولك ايه ده سمير جاى هناك اهو يقولو تريلو يعنى اعمل مش شايفو




نلضم بقى حرف الثاء معاه عشان هو صغنون اصلآ ( بونو )؟؟؟

يلا بيره قصدي يلا بينا

(ث)

ثبت
يعنى بياكل بعقلى حلاوة مثلا لو انت بتتخانق مع واحد جه هداك بكلمتين وكده ده معناه انه ثبتك
او واحد عمال يقول كلام حلو بكتير قوي لواحد او واحده يبقى كده بيثبتهم


ثورجى
يعنى واحد على طول صوته عالى وبيزعق على طول


كفاية النهاردة كده وبكرة نبقى نكمل

بس طبعا كالعادة لما ( ازبهل ) من الردود عشان ما (اتنشنش) واقدر اكمل (بونو)؟؟


_________________



لامبارد سرق توقيعي يا جدعان
ليس كل ما يذاكره المرء يفهمه
تاتى الامتحانات بما لا تحتوى الكتب

مع تحياتى & محمد عبدالغنى راضى &
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
Admin

مدير الموقع
مدير الموقع
avatar

ذكر
عدد الرسائل : 618
العمر : 26
البلد : مصـــ ام الدنيا ـــــر
المخالفات : لا يوجد
انا بشجع:- :
  :
تاريخ التسجيل : 24/06/2007

مُساهمةموضوع: رد: قاموس الروشنه متجدد باستمرار بشرط الردود   20/4/2008, 11:55 pm


بووونو

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdawy-sarseka.teamgoo.net
مروه سعد

مشرفه التصاميم والجرافيكس
مشرفه التصاميم والجرافيكس
avatar

انثى
عدد الرسائل : 161
العمر : 28
البلد : اول شارع وانت داخل على ايدك اليمين
المخالفات : لا يوجد
مزاجى :
علم الدولة :
انا بشجع:- :
  :
تاريخ التسجيل : 19/04/2008

مُساهمةموضوع: رد: قاموس الروشنه متجدد باستمرار بشرط الردود   21/4/2008, 10:53 am

بسم الله ارحمن الرحي

الموضوع ده (بيس) كتير

_________________



حبيبى قالى باى ....... و قالى هروح و جاى ......... دا انا بخاف اقعد لوحدى مش كان يطلب لى شاى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المتيم

مشرف المنتدى الاسلامى
مشرف المنتدى الاسلامى
avatar

ذكر
عدد الرسائل : 636
العمر : 26
البلد : لسه بدور عليها
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 25/03/2008

مُساهمةموضوع: رد: قاموس الروشنه متجدد باستمرار بشرط الردود   21/4/2008, 12:13 pm

ana mosh aref agool aeh ala elklam dh shokrn ea man habebk elmotaim
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
سامح

كبار الشخصيات
كبار الشخصيات
avatar

ذكر
عدد الرسائل : 345
العمر : 31
البلد : سرسيقا العظمى والعظمة لله
المخالفات : لا يوجد
مزاجى :
انا بشجع:- :
  :
تاريخ التسجيل : 08/07/2007

مُساهمةموضوع: رد: قاموس الروشنه متجدد باستمرار بشرط الردود   21/4/2008, 3:38 pm

موضوع بونو جدا


لكن انا مش عايش فى الكلية عشان عمرى ماسمعت هذا الكلام نهائى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
love story
..::المراقب العام::..
..::المراقب العام::..
avatar

ذكر
عدد الرسائل : 440
العمر : 26
البلد : ما انتم عارفينه
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 22/03/2008

مُساهمةموضوع: رد: قاموس الروشنه متجدد باستمرار بشرط الردود   24/4/2008, 11:47 am

بسم الله ارحمن الرحي

بص يا عم lampard
عليا الطلاق لو ما اتظبطت معايا انا ههبء من المكان ده
اهرب بقى شويه والا هسحلك ضرب
وبلاش تزهبل عليا


خ)

1-خبط فى الكلام

يقصد منها توجية اللوم لشاب حيث يتحدث فى اشياء لا تخصة أو يقصد الشتيمة

2-خدودة أنش

تطلق على الفتاة الجميلة التى تمتاز بالرقة والنعومة والممتزجة بالخجل

3-خيشة


وهو الشخص الذى لا يفقة شئ ويتظاهر بالعكس واستخدمها المطرب الشعبى شعبان عبد الرحيم (كداب يا خيشة كداب قوى...أنا كنت فاكرك فهلوى)

4-خرمان

بمعنى أنا محتاج سيجارة حالا وهو لفظ تعدى حدود الروشنة فهو يستخدم بين كل الناس وفى الأفلام والمسلسلات

5-خيش

بمعنى أصطدم بشئ ما (عمل حادثة)

واحيانا تقال (كلامة خيش فى الدماغ) أى كلامة موزون


6-خلبوص

لفظ بمعنى (مية من تحت تبن) أى يظهر غير ما يبطن ويقال فى المواقف التى تظهر فيها حقيقة الشخص الذى أمامك

7-خلل

وهو الشخص المصاب بحالة من الجنون أو الذى يتصنع العبط والأستهبال

8-خمس


مصطلح يطلقة الشباب على الشخص الذى اختفت من جيوبة الفلوس والتخميس اما فى سيجارة او كوب شاى

9-خنفس

ويطلق على الشاب المايع الذى يرتدى الملابس المهلهلة ويقول أنها موضة روشة(أنا مش بقول عليكوا يا شباب)

اية يا ولاد فاهمين ولا اية

ولا نعيد من تانى

صحصحوا كدا

عايزكوا تتخرجوا من هنا ميه ميه

نرجع تانى

10-خدنى تحت جناحك


بمعنى ساعدنى لأصل الى هدفى وتقال لشخص ذو منصب أو ظهرت علية نعمة فجأة مثل (يا عم خدنا تحت جناحك احنا غلابة)

11-خر


لفظ بمعنى اعترف بسرك أو أكشف ما كنت تخفية

12-خمفشارى


لفظ بمعنى لشئ غير المعروف وتقال اللغة الخمفشارية أو الخنفشارية أى اللغة الغير معروفة أو الغير موجودة أساسا


_________________



لامبارد سرق توقيعي يا جدعان
ليس كل ما يذاكره المرء يفهمه
تاتى الامتحانات بما لا تحتوى الكتب

مع تحياتى & محمد عبدالغنى راضى &
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
lampard

كبار الشخصيات
كبار الشخصيات
avatar

ذكر
عدد الرسائل : 492
العمر : 25
البلد : سرسيقا
المخالفات : لا يوجد
انا بشجع:- :
  :
تاريخ التسجيل : 06/08/2007

مُساهمةموضوع: رد: قاموس الروشنه متجدد باستمرار بشرط الردود   24/4/2008, 1:49 pm

بسم الله ارحمن الرحي



الرسالة وصلت يا love

_________________
[][img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sarseka.teamgoo.net
المتيم

مشرف المنتدى الاسلامى
مشرف المنتدى الاسلامى
avatar

ذكر
عدد الرسائل : 636
العمر : 26
البلد : لسه بدور عليها
المخالفات : لا يوجد
مزاجى :
الهواية :
المهنة :
علم الدولة :
انا بشجع:- :
  :
تاريخ التسجيل : 25/03/2008

مُساهمةموضوع: رد: قاموس الروشنه متجدد باستمرار بشرط الردود   27/4/2008, 2:45 pm

ايه ياحمو ده

بس على فكره احنا بنستخدم حروف كتير فيها صح


انت خلبوص

بس عاوز ين الباقى يامان

بيس

بس بجد لذيذ ومسلىىىىىىىىىىى جدا

بس انت شريهم بجد

اصل انا شوفت النسخه دى مع محمد ظرف


قصدى محمد عبد العال

_________________

ــــــــــــــــــــــــــــــــــــــــــــــــــ

قالو ان اللى يحب بجد لو فاض

بيه من اللى بيحبوا ميحبش بس

ميكرهشى وانا فاض بيا تعبت بجد

قد مابتعب لاكرهتك ولا عارف

محبكش ضاقت بيك تبقى عايزنى

اكون حوليك ضحكت ليك اخلاصى

يكون حمل عليك فى الحالتين




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ahlyegypt.com
 
قاموس الروشنه متجدد باستمرار بشرط الردود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سرسيقا العظمى :: ~*¤®§(*§ منتدى النكت والفرفشة §*)§®¤*~ˆ° :: ~*¤®§(*§ منتدى النكت و الفرفشة §*)§®¤*~ˆ°-
انتقل الى: