جميع مؤلفات طائر الليل

موضوع: جميع مؤلفات طائر الليل 5/5/2008, 12:46 pm

1 نظره من فوق السحاب
نظره من فوق السحاب
حسستنى بالعذاب
بعد عشرة ناس كتير
قلت اعيش من غير صحاب
اللى باعنى
واللى خانى
واللى غالط فى الحساب
احتجتهم فى وقت زنقه
فين حبايبى؟؟
الكل غاب
زعلوا لما لاقونى طيب
فرحوا فيا فى الخراب
نفسهم ومنى عينهم
يدفنونى فى التراب
شمتوا فيا كتير ولما
قالو ا عنى قالو ا خاب
لما خبت ذكروا ذنبى
ولما تبت ماقالو ا تاب
لما جيت فى يوم اعاتب
كلهم رفضوا العتاب
حتى لما استشيرهم
كلهم رفضوا الجواب
اللى يبحث عن صديق
شخص يبحث عن سراب
واللى كنت اظنه نسر
النهارده صار غراب
واللى كنت اظنه يحضر
لا صدمنى بالغياب
واللى كنت اظنه يمطر
لم يكن الا ضباب
من يشوف غدر غيره
شيبته تيجى فى الشباب
تسقى عطشان بماء
يحسدك عند الشراب
فى بشر الغدر طبعه
اوفى منهم الكلاب
والأصيل دايما أصيل
والعويل هو العويل
مهما يلبث من ثياب
والكريم هو الكريم
والبخيل هو البخيل
حتى لو اكل الكباب
واللى يعمل خير ضرورى
ربى يعطيه الثواب
واللى ينكروا الجميل
اغلى منهم الدواب
نظره من فوق السحاب
حسستنى بالعذاب
هل انا بين البشر؟؟
ام فى غابه للذئاب
الغدر صار طبع فيهم
والخطا زى الصواب
يظلموك وايه السبب
متلاقيش اى جواب
والليل مهما يطول
الفجر يطلع مهما غاب
فى النهايه الخير يعم
حتى لو للشر ناب
سهر الليل
مظلوم
يدعى ربه
والنهارده استجاب
مهما شاخ الظلم
لازم
يجى يوم
الحق
يولد
حتى يكبر
يبقى شاب
تعالى ياحق تعالى
فرحتنا بعد الغياب
جيت اتوب يارب ليك
فتحت لى كل باب
ليه كده ننسى الاداب
زى ما عمل اليهود
اخدوا ارضينا اغتصاب
لفقوا تهمهم لينا
وقالوا اننا ارهاب
ليه بننكر فضل ربى
نقول ده فن واكتساب
ليه بنهرب م الحقيقه
غدر ليه بلا اسباب
ليه لما ربنا يدينا
ننسى ليه كل الصحاب
ليه ما بنكمل طريقنا
والنهايه الانسحاب
ليه ما نخلى بناتنا
دايما لابسه الحجاب
ليه من يعمل الخير
يرجع بالشر مصاب
ليه الفقير يتحاكم
والغنى ملهوش عقاب
ليه كده متكنش صادق
فى المشاعر والخطاب
من يقول الحق لازم
يلقى فى طريقه الصعاب
ليه ما نسعى للنجاح
بس نسعى للالقاب
نكره من يقول الحق
ونحب عزف الرباب
دنيا غريبه
تهت فيها
شفت فيها
ما لذ وطاب
شفت فيها
من فلح وخاب
شفت فيها كتير طيور
زى ما شفت الغراب
نظره من فوق السحاب
حسستنى بالعذاب

؟؟؟؟؟؟؟؟؟؟

_________________

موضوع: رد: جميع مؤلفات طائر الليل 5/5/2008, 12:51 pm

قصيدة مدح طائر الليل فى خالد
ابن اخته

لقد تزايد اعداد حاسدى
نظروا اليا
وقالو ا
له ابن لاخته
عظيم
اسمه خالدِ
يكون معى فى وقت فرجى
وفى الشدائد
ساعدى
رجل نشيط
ليس بالرجل القاعدِ
رجل يوقر خاله
ويرفع راس الوالدِ
فهو المرحب بالضيوف
اراه يكرم وافدى
وهو الملقب بالكلوزه
اراه احسن لاعبِ
اجتمع فيه
جميل الصفات
فكان بمثابة
القائدِ
اراه يحترم الكبير
لا يسعى لمال بائدِ
يحب الخير لجيرانه
واما فى الدنيا
ف
زاهدِ
هكذا تقول لو عرفته
تقول بقلبك ان
خالد سيدى
اذا ما كنا فى عصر الهبوط
اراك ياخالد
بالصاعدِ
حينما كان صغير
ملك عقل الراشدِ
هو ابن اختى
وانا
الخال المقرب
ماجدِ
_________________

موضوع: رد: جميع مؤلفات طائر الليل 5/5/2008, 12:53 pm

3

حائر
انا

حائر وسط الديابه
دوله حكمها المال
فين العداله ياناس
وفين رغيف العيش
لازم عشان اعيش
اكون رجل اعمال
طبعا ااخد معافاه
ولا عمرى اخش الجيش
ودورى اول دور
واحد معاه مليون
والتانى بات مديون
بلد ملهش امان
ابن الباشا بيعدى
ولو بكيلو حشيش
اما التانى يتحاكم
ويبهدلوه تفتيش
حرام عليكو خلاص
تعبت م التطنيش
خلاص نهبتوا مالنا
حتى رغيف العيش
لا يهمكوا اسعار
ولا حتى تبقى دمار
عملتوها طبقات
شغلتوها عصابات
ما بين باشا وشاويش
دوله حكمها المال
ودمرت اجيال
حتى رغيف العيش
تعظيم سلام للبيه
لانه مبيغلطش
بيحسسونا يعنى
انه مبيسرقش
فين مالنا يامجرمين؟؟
دوله حكمها المال
ابن الباشا براءه
وابن الفقير مسكين
بيبهدلوه تلطيش
_________________

موضوع: رد: جميع مؤلفات طائر الليل 5/5/2008, 12:58 pm

4

الجزء التانى
اهداء الى كل شباب سرسيقا

لو سالت ياصاحبى عن الرجوله
تلاقيها طبع فى بلدنا
الواحد ميبعش صاحبه
والجار ميبعش جاره
كلنا واحد ياصاحبى

رغم كترة عددنا
لو تعبت ياصاحبى ازورك
اقعد معاك واستنى دورك
صاحبى ليه قاعد تحكى
يلا صوم صلى وزكى
عمرنا ما ننسى الجميل
ولا فينا الشخص العويل
هو ده جيلنا الجديد
صاحبى خليك الكبير
يلا بينا ننسى اللى فات
كلنا هنا اخوات
واللى عدى زمان ياصاحبى
كلها كانت حكايات
لو جيت تدور اساسها
حتلاقيها تفاهات
صاحبى دايما قول الحق
صاحبى متشكش فى حد
صاحبى دايما خدها كلمه
الهزار دايما هزار
والجد برضه جد
صاحبى ما تكدب عليا
صاحبى د انتا اللى ليا
حب ليا الخير ياصاحبى
صاحبى لا تضيع امانه
صاحبى اياك الخيانه
صاحبى ياما عاشرت ناس
وكتير لفوا عليا
عملوا ليا حوارات
عملولى م البحر طحينه
حركات شغل حارات
كانوا فى الفرح حبايبى
لكن فى الشده باعونى
ساعتها عرفت قيمة اهل بلدى
اللى هما الفلاحين
صاحبى قو ل الحق دايما
ولو على رقبتك
صاحبى حب الخير لاخوك
هو من دمك ولحمك
صاحبى ارضى والديك
واعرف ان الدنيا دى
يوم ليك ويوم عليك
واللى عملته زمان ياصاحبى
لابد حيترد ليك
صاحبى حافظ ع الصلاه
ولو طلبت فى يوم مساعده
صاحبى لا متقلش لا
صاحبى بطل السجاير
دى نار بتهد حيلنا
صاحبه بطل حاجه تانيه
مش حقول عليها
كلنا عارفينها
برضه هيا تهد حيلنا
كل ده ياصاحبى امل
ربى يكرمنا ويعينا
نصبح الاخ لاخوه
واحلى جيل فى الدنيا جيلنا
وان عملت جميل ياصاحبى
متفاخرش بيوم بيه
كل عند الله وباقى
ولا تسأل عبد فيه
واعرف ان الرزق واحد
يعنى لا تقرب حرام
ولا يوم تبقى جاحد
واعرف ان الله كبير
بيدى على قد الضمير
_________________

موضوع: رد: جميع مؤلفات طائر الليل 5/5/2008, 1:06 pm

5

تاتا تاتا
رفعت راسنا ياحتاته
خت بطولة عزبة عيسى
لما تفوز بتفوز بتلاته
ميكلش معاك اجدع حارس
كورتك جون
ملهوش حل
لو حراس المرمى تلاته
كورتك دايما فن وخبره
كانك انت حسن شحاته
هههههههههههههههه اى خدمه ياعم حتاته
انت سفير سرسيقا فى الكوره
اسد الغابه فى كل كوراته
مرعب كل دفاع بيقابله
بتقطعهم
بس حتاته
اللى يفوته يتعلم منك
يبقى نص عمره فاته
انا سميتك برضه زيزو
يعنى اى دفاع بتغيظو
ممكن تشبه لرنالدينو
فى لعبه وفنه وفى تفانينو
مشى بكورتك تاتا تا تا
زيزو حتاته كلنا عارفينو

_________________

موضوع: رد: جميع مؤلفات طائر الليل 5/5/2008, 1:09 pm

اغنية من طراز سرسيقاوى

لما تلاقى الناس ماشيه بالف طريقه
يبقى انت اكيد فى سرسيقا
لما تشوف الورده فى العليقه
يبقى انت اكيد فى سرسيقا
لما تكون مااشى
وتشوف ناس بتلعب سيجا
يبقى انت اكيد فى سرسيقا
لما ياعينى تيجى تتعور
تربط ايدك حتة زيقه
يبقى انت اكيد فى سرسيقا
لما تلاقى ناس جنبك ساعة الضيقه
يبقى انت اكيد فى سرسيقا
لما تلاقى كل الناس بتطفى حريقه
يبقى انت اكيد فى سرسيقا
لما تلاقى تلاته نت
والسرعات الف جيجا
يبقى انت اكيد فى سرسيقا
لما تلاقى غلبه وهيجا
يبقى انت اكيد فى سرسيقا
لما تقعد تشقى وتتعب
تقعد تحسب
متلاقيش اى نتيجه
يبقى انت اكيد فى سرسيقا
لما تشوف تطور دائم
كل دقيــــــــقه
يبقى انت اكيد فى سرسيقا
لما تشوف
الحماسه والمشاعرالرقيقه
يبقى انت اكيد فى سرسيقا
لما تشوف شباب طيب
عنده حماس
مبيكدبش
وكل كلامه حقيـقه
يبقى انت اكيد فى سرسيقا
لما تشوف بلد عريقه
وناسها فيها الاصاله حقيقه
كرما وولاد ناس
اعرف ان
دى
سرسيــــــــــــــــــــــــــــــــــــــــقا
_________________

موضوع: رد: جميع مؤلفات طائر الليل 5/5/2008, 1:15 pm

6

فريق له سر
فريق كبير
ياما خد بطولات
ده فريقنا اصيل
فيه كابتن وائل
والكابتن زيزو
والكابتن خالد
هحكى التفاصيل
يابلدنا ياحلوه
جيل ورا جيل
نحب الخير ونصون الجميل

فى الفرح حبايب
كلنا اخوان
وفى يوم الشده
كلنا اعوان
سرسيقا ياحلوه يام البلدان
ياسلام عليكى
ساعة الادان
كلنا جماعه ندعى الرحمن
لا شبابنا طايش ولا كسلان
عاوزين نتقدم كمان وكمان
وشوفو دلوقت ومن زمان
سرسيقا عروسه ياشباب الان
بفضل شبابها الجدعان
وبلاش نتكلم بلغة كان
سرسيقا الحلوه كلنا اخوان

ياشباب عاوزين ننسى الماضى
ومنحكمش بينا القاضى
نبدا صفحه جديده بيضاء
كلنا اخوان
وبلاش ياشباب كلام على الفاضى
وليه ميكنش الجار عن جاره راضى

ياشباب نبص للمستقبل وننسى الماضى

فريق له سر
بيلعب سيجا
وبلدنا الحلوه اسمها سرسيقا
كلنا واحد وقت الضيقه
ويوم الفرح كلنا اخوان اعوان
وياجماعه هو ده معنى الانسان
بصراحه
_________________

موضوع: رد: جميع مؤلفات طائر الليل 15/5/2008, 8:49 pm

أبــدع فـي مــواضيـعــك , وأحســن فـي ردودك , وقــدم كــل مــا لــديــك , ولا يغــرك فهمــك

ولا يهينــك جهــلك , ولا تنتظــر شكــر أحـــد , بــل اشكــر الله على هذه النعمــة..
ولله الحمــد والشكــر..

.

.
نقاط تهمكـ :

- المسؤولين على المنتدى يحاولون بقدر المستطاع الرد على الجميع والمساعده وتذكر بان هناك غيرك من الاعضاء وعدم ردنا على موضوعك ليس تجاهل..

- انسحابك او بقاءك لن يؤثر على احد فكن سند نفسك دائما..
- لاتقدم المساعدة خارج المنتدى دع الجميع يتعلم انك كنت تعتبر نفسك ناجحاً..
- المنتدى للجميع فتصرف كصاحب المنتدى وليس كضيف ثقيل..
- لاتقدم المساعدة وانت تنتظر مقابل لذلك ، الدعاء الصادق يغنيك..
- عدد مواضيعك ومشاركاتك ليس هو الدليل على نجاحك بل مواضيعك المتميزة واخلاقك الرفيعه..
- قبل ان تعمل اي شيء تذكر ان الله عز وجل يراك..

_________________